2023ko neguan, Mañariko Udalak eta Lurgaia Fundazioak ingurumena lehengoratzeko proiektu bat egin dute Txaboletako inguruan, Saibigainerako igoeran eta Mañaria ibaiaren buruan, Urkiolan (Bizkaia).
Udalak erositako lursaila da, koniferoen labore bat izan zenetik 4 hektarea baino gehiago berreskuratzeko (Pinus insignis, alertzea eta Lawson zipresa). Bertako espezieetako 2.460 zuhaitz eta zuhaixka landatu ditugu, horietako asko ingurumen-boluntariotzako bi jardunaldietan. Jardunaldi horietan, 120 boluntario baino gehiago aritu ziren auzolanean.
Landaketaz gain, prozesuan hainbat pista zaharberritu dira, antzina zura ateratzeko erabiltzen zirenak, baso-hidrologia berreskuratuz eta higadura saihestuz. Gainera, hezegune txikiak sortu dira, urlehortarrak eta lotutako beste fauna eta flora batzuk sar daitezen, eta, horrela, ekosistemaren konplexutasuna eta biodibertsitatea areagotu dira.
Lehen bultzada horren ondoren, naturak berak abiaraziko ditu bere prozesu ekologikoak, eta, denborarekin, balio handiko paisaia osatuko dute, ez bakarrik naturalistikoa, baizik eta kulturala ere bai. Soilik kontserbaziorako erabiliko den parajea.
Proiektu hau Eusko Jaurlaritzako Ekonomiaren Garapen, Iraunkortasun eta Ingurumen Sailak natura-ondarea kontserbatzeko emandako dirulaguntzen ildoaren barruan sartzen da, eta EGEF funtsak finantzatu ditu.
Zirkulua osatzen dugu: udalek beren ingurumena zaintzeko ekimenak martxan jartzen, erakunde publikoen finantziazioaren laguntzarekin, eta herritarren eta erakunde kontserbazionisten parte-hartzearen bidez gauzatzen.
Gure basoen etrokizunaren alde lan egiten.
