Lurgaia Fundazioa modu askotan lagundu dezakezu, bai partikularra bazara, bai enpresa edo erakunde batekoa bazara
EGIN ZAITEZ BAZKIDE
Partikularra izan edo enpresa bateko kide izan, bazkide bihur zaitezke, aukeratzen duzun urteko kuota ordainduta. Funtsak kontserbaziorako lurrak erosteko erabiliko dira.
KONPENTSATU ZURE EMISIOAK
Gure eguneroko jarduerek klima-aldaketari laguntzen dioten CO2 isuriak sortzen dituzte.
Partikularra bazara, sartu gure KALKULAGAILUAN eta konpentsatu zuhaitzak landatuz, klik gutxi batzuekin.
Eta enpresa bat bazara, jar zaitez gurekin harremanetan eta tokiko proiektu batean parte hartu ahal izango duzu, konpentsaziotik haratago doan ikuspegi batekin.
BASO BONUAK
Opari bat zuretzat edo norbaitentzat: baso zati txiki bat. Lursailen erosketa berriak finantzatzeko bonu bat.
PARTE HARTU GURE BOLUNTARIOTZAN
Harpidetu zaitez gure posta-zerrendan, eta zuhaitzak landatzeko jardunaldietarako eta boluntariotzako beste zeregin batzuetarako deialdiak bidaliko dizkizugu, nahi duzunean izena eman dezazun. Txangoak, hitzaldiak… ere antolatzen ditugu.
EGIN DOHAINTZA
Dohaintza bat egin dezakezu edo gure mikromezenasgo-kanpainetan parte har dezakezu. Edozein ekarpena ongi etorria izango da. Lortutako funtsak kontserbatzeko lurrak erosteko edo zuhaitzak eta zuhaixkak landatzeko erabiliko dira.
Dohaintza egin nahi duzu?
Bete zure datuak
ZURE LURSAILA BASO BIHURTU
Lursail baten jabea bazara, ZAINTZA-AKORDIO bat sina dezakegu zure lursaila espezie autoktonoen baso bihurtzeko, ustiapen ekonomikorik gabe. Berreskuratu eta/edo kontserbatuko dugu, baina zurea izaten jarraituko du.
Eta zuretzat doan izango da.
UDALA BABESLEA
Formula horren bidez, Lurgaia Fundazioak udalerriko eremu natural batean beharrezkoak diren kontserbazio- eta berreskuratze-jarduerak egiten ditu, eta, gainera, aholkularitza, ingurumen-hezkuntza, Zuhaitzaren Eguna bezalako jardunaldien antolaketa eta biodibertsitatea hobetzeko eta dibulgatzeko beste jarduera batzuk eskaintzen ditu.
Udalerriko lurretan lurraldea zaintzeko akordioak ere sinatzen ditugu, eta horietan lan egiten dugu fundazioak abian dituen programekin, hala nola Quercus programarekin, bertako basoa lehengoratzeko eta kontserbatzeko.
ADMINISTRAZIO PUBLIKOAK
Udalak, mankomunitateak, administrazio-batzarrak, aldundiak eta izaera publikoko beste forma juridiko batzuk biodibertsitatearen alde lan egiteko erabil daitezkeen baso-lurren jabeak dira.
Administrazioak eta gizarte zibilak elkar lagundu behar dute natura-ingurunea kontserbatzen eta berreskuratzen. Hainbat kogestio-formula mantentzen ditugu udalekin eta beste erakunde publiko batzuekin, zaintza-akordioen bidez.
JARAUNSPENA ETA LEGATUA
Utzi dezakezun aztarnarik onena.
Lurgaia Fundazioa sar dezakezu zure testamentuan. Ingurumena zaintzen jarraitzeko, jada ez zaudenean.
Edo zure lurrak utzi ditzakezu etorkizuneko basoak izan daitezen eta betiko zain ditzagun.
Hala bermatzen dute Fundación Lurgaia Fundazioaren estatutuek eta Fundazioen Legeak.