105 hektarea kudeatzen ditugu eta gure helburua 153 hektarea kudeatzea da. 45.000 € behar ditugu hori posible egiteko. 45.000 € behar ditugu hori posible egiteko. Lagundu zure dohaintzarekin!
emaile
euro bilduta
LORTUTA!
Zuen laguntza izugarriarekin lortu dugu helburua.
Urdaibai Biosfera Erreserbako harizti misto handiena sortzen ari gara
ESKERRIK ASKO!
Eta ez gara gelditzen, kopurua egunetik egunera aldatzen delako, gure basoak HANDIAK egiteko aukera berriekin.
Datorren basoa hazi batekin hasi zen
Urdaibaiko Biosfera Erreserban, eta Natura 2000 Sarearen barruan 7 km erreka baino gehiago dituelarik,UNDABASO eremuan, Ibarrurin, Muxikako udal-mugartean, Bizkaian, pinu eta eukalipto landaketak dira nagusi.
Han, familia lur-jabe batek baso autoktonoz inguratuta bizi nahi zuela erabaki zuen, eta horrela sinatu genuen gure lehen zaintza-akordioa 2008an. Harrezkero, lursail gehiagotara joan gara, eta basoa hazten joan da.
Aurreko kanpainarekin, geratzen ziren 43 hektareen ordainketa finantzatzeko behar ziren funtsak biltzea lortu dugu.
Bidean aukera berriak sortu dira eta gaur 156! Horiek guztiak basoa berreskuratzeko erabiliko dira. Eta kopuruak gora egiten du egunetik egunera. Horregatik jarraitzen dugu eta zabalik uzten ditugu gure lankidetza-bide guztiak.
Ezin diegu ESKERRIK ASKO esan etengabe parte hartu duzuenoi (zerrenda bat ikus dezakezu hemen). Gure basoen etorikizuna hobea da zuei esker.
Undabasorako dohaintzak egiten jarrai dezakezu
Basoko Bonuak oparituz ere lagun dezakezu
Undabaso helburua: LORTUTA
Diru guztia lurrak eta erosketarekin lotutako kudeaketa-gastuak ordaintzeko erabiliko da.
Irabazi asmorik gabeko GKE bat gara.
Gure bazkideen ekarpenekin, erakundeekin eta enpresekin egindako hitzarmenekin eta administrazioen unean uneko laguntzekin finantzatzen gara.
SEKTORE PRIBATUA inplikatzeak eta laguntza publikoen mende ez egoteak gure independentzia zaintzen eta proiektuen egonkortasuna bermatzen laguntzen digu.
Guztira, 48 hektarea erostearen kostua 147.800 €-koa zen, eta dagoeneko 65.500 €ordainduta zeuden.
79.300 € falta zitzaizkigun, eta 45.000 € behar genituen horretarako.
Lortutakoarekin, zorra kitatuko dugu.
Lurra erosteko
Erakunde edo enpresa batzuek unean-unean ematen dizkiguten laguntzek ez dituzte inoiz aurreikusten lurrak erostea eta lotutako kudeaketa-gastuak. Horregatik, lurrak finantzatzea da zailtasunik handiena.Funts propioekin eskuratzeak, gainera, proiektuaren independentzia eta etorkizunean lur horien babes zorrotza bermatzen digu..
Guk jarriko ditugu.
Lursail horiek baso bihurtzeak kontzeptu asko hartzen ditu barnean, hala nola lurra prestatzea, landarea eta babes-materiala erostea, aleak landatzea eta babestea eta lotutako beste jarduera batzuk. Baina, oro har, partida horietarako funtsak zati txikiagoetan lor daitezke, eta, erraza ere ez den arren, pixkanaka lortzen dira, ekarpenen, enpresekin kolaborazioen, unean uneko laguntzen eta abarren bidez.
Basoek hamarkada asko behar dituzte heltzeko, beraz, ez dugu gure basoa bete-betean ikusiko.
Gure estatutuek eta fundazioen legeak bermatzen dute baso hori ez dela inoiz ustiatuko, eta soil-soilik kontserbazio zorrotzerako erabiliko dela.
Nola egin dohaintza
Txartelen bidez ordaintzeko sistema azkar eta erraza eskaintzen dugu, bai eta transferentzia bidez emateko galdetegi bat ere.
Zure telefonoari konektatutako bankuko app-aren bidez ere bidal dezakezu dirua.
Dirua modu seguruan iritsiko da gure kontura, telefono-zenbakia bakarrik erabiliz. Bilatu Fundación Lurgaia Fundazioa Bizum GKEen zerrendan, eta erabili gure identifikazioa:
38332 Datorren basoa. El bosque que viene
Ordaintzeko beste modu bat erabiltzea nahiago baduzu, jarri gurekin harremanetan galdetegi honen bidez
Natura 2000 Sarearen barruan, UNDABASO eremua, Ibarrurin, Muxikako udal-mugartean, Bizkaian, Urdaibaiko Biosfera Erreserban dago. Ingurune enblematiko eta ingurumenarekiko transzendentea da eta, hala ere, pinu eta eukalipto landaketak ditu nagusi.
Bertako espezieen zuhaitzak eta zuhaixkak erabiltzen ditugu, landatuko diren ekosistemen berezkoak direnak.
Landatutako espezieen jatorri lokala errespetatzen dugu, barietate genetikoak ahalik eta gehien zaintzeko eta aleen ingurunera egokitzeko.
Hauek dira landatutako espezieetako batzuk: astigar arrunta, haltza, gurbitza, urkia, gaztainondoa, zuharondoa, hurritza, elorri zuria, basaerramua, pagoa, oilakarana, lizarra, gorostia, erramua, sagarmina, lertxuna, gereziondoa, elorri beltza, udareondoa, haritz kanduduna, zume zuria, ahuntz-sahatza, intsusa beltza, hostazuria, basagurbea, otsalizarra, hagina, ezki hostozabala, zumar hostozabala
Kanpaina horietako eta bazkideen kuotetako dirua lurrak erosteko eta erosketarekin lotutako kudeaketa-gastuetarako erabili ohi da.
Fundazioak zuzenean hitzegin eta jarduten du lurren jabe partikularrekin. Beraz, nahitaezko notariotza-gastuez gain, ez dago bitartekari gehiagorik.
Kasuaren arabera. Zaintza-akordio batzuetan, lursailaren titulartasuna jabearen esku geratzen da, eta Lurgaiak kudeatzen eta berreskuratzen du.
Baina erosketaren kasuan, Lursailak Lurgaia Fundazioaren titulartasunekoak izango dira. Horrela bermatzen da % 100ean bere babesa betiko,izan ere, gure erakundea desagertuz gero, beste erakunde batera igaroko lirateke helburu berberekin. Hala bermatzen dute fundazioaren estatutuek eta fundazioen legeak.
